Proud of My Blue Nail

Bumoto ba kayo?

Wala sana akong planong i-post itong daliri kong may indelible ink pero dahil proud ako, say hello sa kulay blue kong kuko. ūüėÜ

Bakit nga ba dapat tayong maging proud sa daliring ito?

Ito ang sagot ko:

1. Ang daliring ito ay mahalaga dahil ito ay tanda ng pagiging responsable. Ang paglalaan mo ng oras para bumoto ay isang desisyon ng nagpapakita ang iyong pagiging responsableng mamamayang Pilipino.

2. Ang daliring ito nagpapakita ng iyong kapangyarihan. Nasa iyong kamay ang isang boto na maaaring magluklok sa isang kandidato na pinaniniwalaan mong makakatulong sa ating bansa at sa ating pamayanan.

3. Ang daliring ito ay kumakatawan din sa iyong “silent voice” kung nagnanais ka ng pagbabago, ng reporma o kahit na ng continuity sa pamamalakad ng mga tao sa ating pamahalaan. Ang isang boto mo ay may kakayahang bumago o sumira ng ating bayan at ng ating bansa. Nakasalalay sa boto mo ang kinabukasan ng ating bayan.

4. At ang pinakamahalaga, ang daliring ito ay sumisimbulo ng ating tyaga at mahabang pasenya. Ito ang tanda na handa kang pumila ng tatlong oras o higit pa sa ilalim ng init ng araw para makaboto lang at handa ka ring maghintay kahit dalawang classrooms pa ang pilang susuungin mo para lang makakuha ng balota at ma-practice ang iyong karapatan sa pagboto.

May kwentong halalan ba kayo? Share n’yo lang, mamsh.